蕃茄薯仔紅衫魚湯 6-12-2002

蕃茄薯仔紅衫魚湯 6-12-2002

　

功效: 無咩特別功效架,注要係飲得飽囉...好好味

材料:

蕃茄	3個
薯仔	3個
紅衫魚(細條)	4條
紅羅白	1個
瘦肉	半斤
果皮	1塊

做法:

1. 薯仔洗淨切開,大細隨意,紅羅白切片。蕃茄切半,各 材料洗淨待用。果皮浸軟,浸軟後刮囊。
2.將瘦肉飛水,紅 衫魚去內臟,洗淨抺乾水,燒熱油,爆兩片薑,放入魚煎至微黃,盛起用溫水沖去表面油脂。 3.水三大湯碗,放入果皮先煲滾。
4.煲滾後,將各材料放入再煲滾。(除紅衫魚外)
5.再煲滾後改用細火煲1小時。 6.放紅衫魚煲多半小時。 7.最後落鹽調味即可。

注解:

飛水 - 用滾水煮瘦肉,使瘦肉肥油減少,d 湯冇咁肥膩..

刮囊 - 果皮內既白色野,刮走後煲湯冇苦味...

飲後感:

呢煲滾湯好清甜,有好鮮既魚味同蕃茄味,,我就最鍾意食煲完湯既薯仔,又'霖'又夠味...飲完呢碗湯都已經好飽....啱晒減肥既人飲..