花旗參煲瘦肉 2-12-2002

功效: 潤喉潤肺

材料:

花旗參	2兩
瘦肉	半斤
無花果	6粒
伏神	2兩
蜜棗	6粒
龍眼肉	1兩
南杏北杏	共1兩
玉竹	1兩
果皮	1塊

做法:

1.將瘦肉飛水。 果皮浸軟,浸軟後刮囊。各材料洗淨待用。
2.水三湯碗,放入果皮先煲滾。
3.煲滾後,除花旗參外,將各材料放入再煲滾。
4.再煲滾後改用細火煲兩小時。
	5.最後放入花旗參再煲半小時,落鹽調味即可。

注解:

飛水 - 用滾水煮瘦肉,使瘦肉肥油減少,d 湯冇咁肥膩..

刮囊 - 果皮內既白色野,刮走後煲湯冇苦味...

飲後感:

我一向都唔鍾意花旗參d苦味,不過今次咁樣煲法,d花旗參好易入口,好清,飲完之後口嚨有d 甘甘地,好正!!!仲有d龍眼肉,瘦肉又可以食....的確唔錯...